沙灘危機

同各位狗狗主人介紹我地一位日籍親友：水沙油𠝹

去沙灘謹記要帶清水，注意唔係海水，係清水！假如狗狗飲過多海水導致鹽份過高，又或者令皮膚敏感，清水可以舒緩症狀。最好長期放一碗充足的清水係陰涼位置。

要久不久留意有無飛沙入眼，仲有fetching用既玩具有無太多沙粒黐住，狗狗食太多沙落肚有機會阻礙腸臟蠕動。

我地搽既太陽油，又或者海水上面漂浮既棕櫚油，狗狗舔太多或會引起嘔吐或肚瀉。

小心沙上面嘅尖石同玻璃，狗狗腳掌柔軟，如果唔小心𠝹傷，用清水沖一沖，以乾淨布包住按壓止血，然後立即去睇獸醫。

海水入面有細菌同寄生蟲，盡量避免狗狗飲太多，玩完亦要check吓耳仔有無入水。

假如狗狗出現反胃、嘔吐或皮膚痕癢等症狀就最好盡快搵獸醫喇。

記住「水‧沙‧油‧𠝹」，咁就可以係沙灘上玩得盡情又放心啦~ 衝啊！！